Uiuira'a mana'o i ni'a i te ti'a'aura'a o te fifi ma'i tirotiro ravehia e te mau ti'a fa'atere
′Ua horuhoruhia tātou tāta′itahi i te fifi ma′i tirotiro mana'o-′ore-hia ′e te ta'a′ē mau o tei ′āueue i te ao, nā roto i te mau 'ohipa i tupu i ni'a i te ea o te nūna′a no Porinetia farāni ′e i ni'a i tāna ′imira′a faufa′a ′e te pae o te tōtiare, nā roto i te mau fa′a′erera′a ti′amāra′a ta′ata o tei fa′a′ohipahia, nā roto i te huru ti′a′aura′a o te fifi ma′i tirotiro o tei ravehia e te mau ti′a fa'atere ′e nā roto iho ā ra i te tāpura 'ohipa i ravehia no te pātiaārai.
Nō reira, 'ua ha'amau te 'āpo'ora'a rahi nō Pōrinetia farani i te hō'ē tōmite tītorotorora'a no te ravera'a i te tahi pū'ohura'a i ni'a i te ti'a'aura'a o teie fifi ma'i tirotiro o tei ravehia mai 'e te mau ti'a fa'atere. ′E no tāua tāpura 'ohipa ra, tē fa'atupu nei te tōmite tītorotorora'a i te hō'ē uiuira'a mana'o nō te huihui mai i te mau parau fa'a'itera'a a te huira′atira.
′Ua piahia teie uiuira'a mana'o i ni'a i te tahua natirara a te 'āpo'ora'a rahi nō te hō'ē tau roa e toru hepetoma, ha′amata i te 7 no ′ātete haere roa i te 27 no ′ātete 2023, 'ia nehenehe te huira′atira e fa'a'ī mai i te reira.
Tē tītau ha′eha′a atu nei mātou ia 'outou 'ia pāhono mai i teie nei uiuira'a mana'o ′e tē ha′amāuruuru atu nei mātou ia 'outou i te pāhonora′a mai.
Uiuira'a mana'o i ni'a i te ti′a′aura′a o te pātiaārai no te ma'i tirotiro Tōvī 19
Uiuira′a mana'o i ni'a i te ti′a′aura′a o te mau ta′ata i pohe i te ma′i tirotiro Tōvī 19 i roto i te tā′āto′ara′a o te mau motu no Porinetia farāni i roto i te taime a tupu ai teie fifi ma′i tirotiro
